Најмалку пет лица се повредени во напад со нож во близина на централниот плоштад Дам во Амстердам, соопшти полицијата.
Според првичните информации, едно лице е уапсено, но се уште не е познат мотивот за нападот.
Локалните медиуми јавуваат дека полицијата ја опколила областа на Синт Николастраат и самиот плоштад Дам. На снимките објавени на социјалните мрежи се гледа како хеликоптерот слетува на плоштадот, додека повредените се префрлени во болница.
BREAKING:
Mass-stabbing attack in Amsterdam.
At least 5 people have been stabbed in central Amsterdam. The attacker has been arrested.
— Visegrád 24 (@visegrad24) March 27, 2025
Нападот се случил нешто пред 15 часот и 30 минути. локално време. Весникот De Telegraaf наведува дека најмалку четиринаесет полициски возила и еден полицаец на мотор пристигнале на местото за 15 минути.
Плоштадот Дам е едно од најпосетуваните места во главниот град на Холандија, лоциран во историскиот центар на Амстердам и опкружен со знаменитости како што е Кралската палата.
