Невиден случај на насилство меѓу ученици се случил во училиште во Врање, дознава српски „Новости“. Од обвинителството во Врање за порталот потврдиле дека возрасен ученик од околината на Бујановац се товари за кривично дело злоупотреба и тортура, додека малолетник е обвинет за насилничко однесување.
Насилниците се осомничени дека ги принудувале малолетните ученици да се соблекуваат и да шетаат голи низ училницата и сето тоа го снимиле со своите мобилни телефони.
Според сознанијата на порталот, случајот кај надлежните органи бил пријавен во вторник на 10-ти ноември, а за се е известен и Центарот за социјална работа.
Случајот се случил во училницата, кога најпрвин малолетниот ученик удрил малолетник и го принудил да удри со главата во училишната клупа, додека на друг ученик му стегнал јаже околу вратот, додека друг возрасен ученик го удрил во пределот на главата.
vecer.press
