СЕ повеќе луѓе инвестираат во своето здравје за да живеат што е можно подолго. Она што е познато е дека редовната физичка активност, дури и со мали чекори, придонесува за долговечност. Основачот на популарната филозофија на сините зони, деловите од светот во кои живеат најголеми концентрации на стогодишници, Ден Бутнер смета дека не постои подобра активност која придонесува за долговечност од пешачењето.
Како што тврди, брзото одење може да ги обезбеди истите придобивки како и маратонскиот тренинг. Покрај тоа, можете да пешачите секој ден, а со тоа да активирате повеќе од 100 мускули и да ги подобрите когнитивните функции.
Ова негово сознание се заснова на истражувањето што го спроведе во пет земји во светот. Таму дознал дека редовното движење е навика вкоренета во животот на жителите на сините зони. Покрај тоа, на долговечноста влијаат и тоа што јадеме, колку се дружиме и факторите на околината.
Држете го грбот исправен, главата високо, погледнете неколку метри напред, рамената опуштени и стапалата паралелни. Свиткајте ги рацете малку во лактите и движете ги во ритам. Прво ставете ја петата, а потоа остатокот од стапалото на земја. Затегнете ги стомачните мускули за да го поддржите ‘рбетот и да одржувате правилно држење на телото. Прилагодете ја брзината на дишење на брзината на одење.
Запомнете дека само 10 минути пешачење дневно се поврзани со подолг живот. Секоја активност е подобра од никаква.
index.hr