Вчера вечер во 21.14 часот во СВР Скопје е пријавено дека на автобуска постојка на булеварот „АСНОМ“, на подрачјето на Аеродром, била пронајдена почината 45-годишната М.Г. од Скопје, извести МВР.

– Според пријавеното, додека била во патничко возило „рено канго“ со скопски регистарски ознаки, заедно со нејзиниот познаник Т.Н.(50) од Скопје, на М.Г. ѝ се слошило и починала. Од лекар од Итна медицинска помош била констатирана смрт без видливи траги на насилство, соопшти МВР.

По наредба на Јавен обвинител телото е предадено за обдукција. Увид на местото на настанот извршила екипа од СВР Скопје.