Њујоршката полиција објави снимка од осомничениот за нападот на „Турска куќа“ (Туркеви) во тој град, јавува Анадолу.
На снимката може да се види како осомничениот со метална шипка излегува од подземната железница. Полицијата ги повика сите граѓани да се јават доколку го препознаат осомничениот.
Зградата на „Турска куќа“ (Туркеви), во која се наоѓа Постојаното претставништво на Туркије при Обединетите нации и Генералниот конзулат на земјата во Њујорк, беше цел на напад ноќта неделата кон понеделникот.
Анадолу дојде до снимките од надзорните камери. На снимката се гледа како лице во црна облека и црна капа се приближува до зградата на „Турска куќа“ со железна шипка во раката.
Откако минува извесно време зад автомобил паркиран пред објектот, напаѓачот одеднаш почнува да удира по прозорците на зградата на „Турска куќа“. На снимката се гледа дека нападот го извршило едно лице. Во нападот, за среќа, нема повредени, а нанесена е материјална штета.
Соединетите Американски Држави (САД) го осудија нападот врз „Турска куќа“ во Њујорк, нарекувајќи го вандализам.
„Го осудуваме вандализмот. Насилството врз дипломатските мисии во САД е казниво кривично дело“, рече портпаролот на Стејт департментот, Метју Милер, на брифингот за новинарите вчера.
извор:Анадолу.
фото:Анадолу.
