Претседателот на ВМРО-ДПМНЕ, професор д-р Христијан Мицкоски од теренските активности за увид на градежни активности, од новинарите беше запрашан во однос на лидерската која што преку изјави за медиумите ја најави премиерот Димитар Ковачевски, при што посочи дека до овој момент нема официјална покана за средба, ниту пак се знае дневниот ред или пак форматот на евентуалната средба.
Мицкоски посочи дека значајно за што би требало да се разговара на таа средба, е што по неуспехот на уставните измени, за што се понеизвесно е дека тие нема да се случат, затоа што пратеничката група на ВМРО-ДПМНЕ и коалицијата нема да поддржи.
„Она кое што е значајно да се каже е дека до овој момент, ние официјална покана од страна на Димитар Ковачевски, како политичка партија, немаме. Ниту пак имаме дневен ред според кој ќе се разговара, ниту пак имаме предлог формат, официјално, кој што би бил таму на таа лидерска средба. Она кое што е значајно да се каже, е што доколку уставните измени, кој што ги предвидува владата на ДУИ поддржана од СДСМ, не поминат. Тоа е многу важно да се каже и треба да видиме каков е планот понатаму, бидејќи ние не можеме да ја заклучиме државата, не можеме да ја заклучиме Македонија и да не знаеме што доколку не успеат. А, се поверојатно е дека тие нема да успеат. Ако веќе ги најавуваат дека ќе влезат во собраниска процедура, тоа е едниот дел од планот, но доколку не успеат, а се поизвесно е дека нема да успеат бидејќи ние, како коалиција, како ВМРО-ДПМНЕ, нашата пратеничка група нема да ги поддржи. Што правиме понатаму? Мислам дека и за тоа треба да се разговара, но претходно да почекаме, да водиме кој би бил форматот, каде би било местото, времето, денот. Практично, немаме ништо освен изјави на Димитар Ковачевски во јавноста“, истакна Мицкоски.
извор: ВМРО ДПМНЕ
