Поради големите шумски пожари на грчкиот остров Родос, евакуирани се 30.000 луѓе од загрозените подрачја, соопшти општинскиот претставник Терис Хацијоану, а пренесува локалниот информативен портал Rodiaki.gr.
Greece is facing a record heatwave as thousands of people have been evacuated from the island of Rhodes because of wildfires. The Department of Foreign Affairs has advised Irish people going to Greece to heed local weather alerts | https://t.co/xo2M3qS9eX pic.twitter.com/MwJE1MzYJw
— RTÉ News (@rtenews) July 22, 2023
„Продолжува големата спасувачка операција од областа Киотари и Лардос на Родос. Со помош на крајбрежната стража, вооружените сили и локалните власти, кои мобилизираа десетици автобуси, повеќе од 30.000 луѓе се евакуирани“, рече Хацијоану.
Нема повредени, а посетителите на Родос се безбедно евакуирани од подрачјата зафатени од пожарот, се вели во соопштението на Министерството за климатски кризи и цивилна заштита на социјалните мрежи.
Според фотографиите и видеата објавени на социјалните мрежи, ситуацијата е хаотична, а на секој можен начин, со бродови, чамци, возила, камиони, автобуси, луѓето се префрлаат на безбедни локации.
Пожарот и понатаму е вон контрола, а пожарникарите се обидуваат огнените јазици да ги задржат подалеку од хотелите и домовите.
Извор: Rodiaki.gr.