Народот синоќа излезе масовно, во толпа од илјадници пред Владата на Република Македонија да го искаже својот гнев против оваа ненародна власт која ги штити криминалците и убијците на овој народ, се вели во објавата од Левица.
Во продолжение ја пренесуваме објавата во целост:
Потресни сведоштва споделија граѓаните од своите горки искуства на Онкологија и бараа правда за нивните најблиски. Со паролите: „Убијци за профит“, „Онкологија = Геноцид“, „Ова ви е последната доза“, „Обвинителство соучесници“ беа истакнати пред Владата, како и пред зградата на Основното јавно обвинителство, каде се протестираше и се скандираше „Убијци!“.
📢 Левица ја даде својата безрезервна поддршка заедно со народот, со кого стоевме рамо до рамо и нема да престанеме да бараме правда за жртвите додека виновниците не бидат извадени пред лицето на правдата и не бидат сразмерно санкционирани.
извор: ФБ Димитар Апасиев
