Сопругата на Новак Ѓоковиќ, Јелена, бешее во Синеплекс во трговскиот центар „Сити мол“ во Скопје каде присуствува на премиерата на документарниот филм „Мудроста на траумата“, по што ќе учествува во панел дискусија, како претставник на Фондацијата која го носи името на нејзиниот сопруг и ќе ја промовира фондацијата пред македонската публика.
Инаку, Јелена која дојде во Скопје од Ниш при „Караванот на љубовта и среќата“, со кој изминатиов период таа ја обиколи речиси цела Србија, а сега дојде и кај нас, имаше време малку и да прошета низ главниот град на Македонија, објави и некои фотографии, како онаа со споменикот на Кирил и Методиј во центарот на Скопје, до Камениот мост.
Инаку, Новак Ѓоковиќ е еден од најпопуларните спортисти во Македонија, има многу фанови тука, но уште ја нема посетено нашата земја, иако има изразено желба да го стори тоа.
