23-годишен студент од Свазиленд синоќа околу 2 часот бил избоден со нож во студентски дом во Нов Белград и со тешки повреди бил примен во Земунската болница.
Како што пренесуваат медиумите во регионот од полициски извори, студентот од Свазиленд бил повреден по расправија и тепачка со колега (25) од Гвинеја.
Засега не е познато што и претходело на пресметката на двајцата студенти од Африка.
Студентот од Гвинеја кој го избол студентот од Свазиленд е уапсен, додека ранетиот млад човек со возило на брза помош е пренесен во болница во Земун – изјавил полициски извор.
Според неофицијални информации, ранетиот студент има убодна рана на стомакот и расекотини на рацете бидејќи се обидувал да му го одземе сечилото од рацете на напаѓачот.