Демонстранти фрлија супа врз „Мона Лиза“, во музејот Лувр во Париз. Двете жени откако ја истуриле супата застанале пред сликата и извикувале „здрава и одржлива храна“ и „нашиот земјоделски систем е болен“.
Обезбедувањето на музејот ги совладало демонстрантките, поставиле црни паравани пред сликата и го евакуирале музејот.
Сликата на Леонардо Да Винчи од 16 век е едно од најпознатите уметнички дела во светот и не е прв пат да биде мета на вандали. Таа беше заштитена со непробојно стакло уште од 50-те години на минатиот век, откако посетител ја оштети истурајќи киселина врз неа.
Во 2022 година друг посетител фрли торта врз заштитното стакло.
telma.mk