Пилот загина по пад на авион во Австрија, во близината на границата со Словенија. Пилотот наводно полетал од аеродромот во Клагенфурт и влегол во словенечкиот воздушен простор во саботата, а потоа на враќање се срушил на планината Вајнеж.
Пилотот наводно испратил итен повик во 16:40 часот, а контролата лета неколку пати се обидела да го контактира. Неколку часа подоцна ги пронашле остатоците.
И натаму не е познато како леталото се срушило. Покрената е истрага за причините за уривањето.
