Имињата и регистарските броеви на 554 грчки припадници на Дирекцијата за борба против организираниот криминал (DAOE) протекоа на интернет, објавија денес грчките медиуми, пренесува Анадолу.
Дирекцијата, позната и како „грчко ФБИ“, беше формирана во Грција неодамна со цел да се справи со организираниот криминал.
Според грчкиот дневен весник „Авги“, имињата на припадниците кои служат во главниот град Атина и северниот пристанишен град Солун биле објавени на интернет.
Синдикатот на полициските службеници од Атина го осуди протекувањето на имињата и го критикуваше Министерството за заштита на граѓаните поради неговиот „молк“ по ова прашање.
Според известувањето на медиумите, Министерството покренало истрага за инцидентот.