Повремено во Македонија ќе има поголема облачност, и истата локално може да услови појава на сосема слаб локален и краткотраен дожд. Особено утре (среда), ќе дува слаб до умерен ветер од северен правец, а наутро по одделни котлини и речни долини ќе има услови за појава на магла.
И во Скопскиот регион до крајот на денешниот ден, како и утре (среда) ќе има појава на умерена облачност. Утре (среда) ќе дува слаб до умерен ветер од северен правец, а наутро ќе има услови за појава на магла.
Што се однесува до температурите, тие наутро ќе се спуштаат во интервалот од 2 до 9 степени, додека максималните температури ќе се искачуваат во интервалот оф 18 до 25 степени. Во Скопскиот регион наутро температурата ќе се спушта до околу 7 степени, додека преку ден таа ќе се искачи до околу 24 степени, најавува метеопрогнозерот Славчо Попоски.
