Во Тајван се преземаат мерки во пресрет на силниот ураган Конг-реј, кој се движи кон островот. Според властите, тоа би можело да биде најсилното невреме во последните триесет години. Ураганот најверојатно ќе падне на копно денеска.
Целата островска држава се очекува да доживее силен ветер, обилни врнежи од дожд и можни одрони. Неколку градови и провинции одлучија да ги затворат училиштата и канцелариите како мерка на претпазливост. Откажани се и десетици летови и бродски врски.
Во источните провинции, каде што се очекува ураганот да падне на копно, илјадници луѓе се веќе евакуирани. Министерството за одбрана стави на готовност 36.000 војници за да помогнат во спасувачките операции.
Ретко населена област
Источниот дел на Тајван е многу планински и ретко населен. Владата ги предупреди луѓето да се држат настрана од планините и брегот.
Се прогнозира дека Конг-реј ќе ослабне кога ќе го помине централниот дел на Тајван и ќе се упати кон Кина преку Тајванскиот теснец во петок наутро.
Тајван редовно е погоден од урагани. Вториот однесе четири животи претходно овој месец кога го зафати јужниот дел на островот.
извор: НОС Холандија
