Претседателот Емануел Макрон презеде водечка улога во заштитата на континентот откако одржа „продуктивни“ разговори со Доналд Трамп за завршување на војната во Украина, пишува The Sun.
Во интервју за Фокс њуз по средбата со Трамп, Макрон посочи дека примирјето меѓу Киев и Москва би можело да се постигне за само неколку недели.
Овие позитивни изјави доаѓаат само неколку дена откако конфликтот влезе во својата четврта година, при што борбите сè уште беснеат долж границата.
Франција, исто така, наводно предложила идеја за испраќање борбени авиони со нуклеарно оружје во Германија.
Овој потег би бил сериозно предупредување за рускиот претседател Владимир Путин, изјави француски функционер за Телеграф.
Ова, наведе тој, ќе „испрати силна порака“ до Москва дека Европа е сè уште подготвена да ја брани Украина, без оглед на евентуалниот мировен договор.
Дипломатите во Берлин, исто така, се надеваат дека тоа ќе изврши притисок врз британскиот премиер Кир Стармер да испрати и авиони во ОК.
Нуклеарниот арсенал на Франција – за кој се вели дека брои до 300 проектили – моментално е независен од НАТО, додека нуклеарните капацитети на Велика Британија претставуваат клучен дел од одбранбената стратегија на Алијансата.
Фридрих Мерц, лидер на Демохристијаните на Германија (ЦДУ) и потенцијален иден канцелар, веќе ја поздрави идејата за дополнителни одбранбени капацитети во Берлин.
Тој минатиот петок рече дека Париз и Лондон треба да разговараат „дали нивната нуклеарна заштита би можела да ни се прошири“.
Германија во моментов има нуклеарни ракети обезбедени од САД, кои со децении ја гарантираат безбедноста на континентот.
4news.mk
