„Не можам ниту да говорам, ниту да пишувам. Онемев. Ослепев. Оглувев. Оглупавев. Андрејчук, малкумина има како тебе. Ти беше од таа специјална сорта. Добри луѓе“ – гласи дел од објавата на Игор Џамбазов за својот колега и пријател, Андреј Ѓорѓиески од ДНК, кој прерано, трагично, но херојски го загуби животот.
За Андреј Ѓорѓиески од ДНК, кој трагично и херојски го загуби животот во пожарот во дискотеката во Кочани, нема кој нема да каже некој добар збор.
Неговата добрина се раскажува од уста на уста, a неговите хумани дела и музичка трага ќе останат засекогаш врежани во нашите сеќавања.
Игор Џамбазов на својот Инстаграм профил, скршен од тага и болка напиша објава во која јавно се збогува од својот колега, соработник и пријател.
Пријателе…
Немам зборови.
Не можам ниту да говорам, ниту да пишувам.
Уште помалку да пеам.
Онемев.
Ослепев.
Оглувев.
Оглупавев.
Снеможев.
Ти беше од таа специјална сорта. Добри луѓе. Посебни луѓе што би се жртвувале секогаш, за секого, и во секоја прилика.
И кога ќе се видиме горе, ќе си го завршиме муабетот што го почнавме на новогодишната ноќ, кога заедно настапувавме пред среќната публика. Таа, публиката, никогаш нема да те заборави. Јас уште помалку…
Сонувај спокојно…
