Шведската премиерка, Магдалена Андерсон, истакна дека се двоуми околу одржувањето референдум за членство на нејзината земја во НАТО, пренесува Агенција Анадолија (АА).
Премиерката Андерсон, за официјалната новинска агенција ТТ го оцени зголемувањето на стапката на поддржувачи за членството во НАТО во земјата од 25 на 49 отсто по руско-украинската војна.
Велејќи дека ја разбира загриженоста на луѓето и дека безбедносната ситуација во земјата се променила минатата недела, Андерсон рече:
„Мислам дека е сосема разбирливо ставот на нашите граѓани да се промени поради нападот на Русија врз Украина. Нашата безбедносна ситуација драстично се промени во последната недела. И покрај ова, јас се двоумам за одржување референдум за членство во НАТО. Не треба за секое прашање да се оди на референдум.“
Наведувајќи дека ќе ја развиваат безбедносната соработка со САД и соседните земји, Андерсон нагласи дека ќе ја зајакнат одбранбената област со САД и Финска поради агресивниот однос на Русија кон Украина и европската безбедност.
извор: Агенција Анадолија (АА).