Американски сенатори го повикаа претседателот Џо Бајден да го задржи својот фокус на Балканот, каде што „Русија долго време игра дестабилизирачка улога за членството во НАТО“. Тоа се наведува во писмото на група сенатори – набљудувачи во Сенатот на НАТО испратено до Бајден пред неговото патување во Брисел, каде следната недела ќе присуствува на самитот на НАТО.
„Балканот е ранлива зона на Европа, и иако на Украина и треба итно внимание, не можеме да го изгубиме од вид овој регион, каде НАТО долго време игра важна улога во одржување на мирот. Го повикуваме НАТО да го зголеми своето учество во регионот и да разгледа итни мерки, во случај Русија да стави вето на обновувањето на мисијата на силите на ЕУ во БиХ во Советот за безбедност на ОН подоцна оваа година“, напишаа сенаторите.
извор/фото: Радио Слободна Европа