Две лица загинаа, а осум се повредени во пукотница вечерва во центарот на Тел Авив, соопшти болницата.
Телевизиските снимки покажаа голем број полицајци и работници за итна помош во центарот на градот. „Терористот отвори оган одблиску и побегна пеш. Неколку лица се повредени“, изјавил портпаролот на полицијата Ели Леви за телевизијата Канал 13.
Службата за итни случаи Magen David Adom соопштила дека добила дојава за пукање на неколку локации и згрижила неколку луѓе. Израелските медиуми јавија дека најмалку шест лица се повредени, од кои тројца се во тешка состојба. Подоцна е објавено дека има и загинати.
Израелската амбуланта соопшти дека тоа се случило во улицата Дизенгоф, полна со луѓе на место на кое има неколку барови и ресторани и на неколку други места околу центарот на градот.
The security forces taking part in the search are made up of Israel Police, Border Police, IDF troops, reservists and armed civilians
— Anna Ahronheim (@AAhronheim) April 7, 2022