Украина предложи да се одржи „специјална рунда“ преговори со Русија во опколениот град Мариупол, откако вчера истече ултиматумот поставен од Русија за предавање на последните трупи кои сè уште се спротивставуваат во градот. Главниот украински преговарач и помошник на претседателот Михаило Подољак рече дека украинската страна е подготвена да ги одржи разговорите без услови. Друг клучен украински преговарач, Дејвид Арахамиа, на Телеграм изјави дека тој и Подолјак „се подготвени да пристигнат во Мариупол за да разговараат со руската страна за евакуација на нашиот воен гарнизон и цивили“. Немаше итна реакција од Москва на предлогот.
Радио Слободна Европа
