Откако поминаа Велигден, 1-ви мај и Рамазан Бајрам може да се заклучи дека повеќе од половина од граѓаните на РМ патувајќи се уверија во каква инфраструктурно неразвиена земја живееме. Се уверија дека автопатот од Кичево кон Охрид 8ма година наводно се гради, се уверија дека е лажно ветување автопатот кон Битола, притоа ги тестираа амортизерите на возилата возејќи кон Гевгелија, а исто така не беа среќни ни за условите на патот према Косово, или од Тетово кон Гостивар итн итн, напиша на својот ФБ профил Синиша Ивановски од ВМРО ДПМНЕ.
Во објавата тој додава:
Министер Благој Бочварски после 5 години владеење им должите многу одговори на граѓаните на РМ зашто сме инфраструктурно најслабо развиена држава во цела Европа.
Јас, како претседател на централната комисија за инфраструктура, урбанизам и транспорт на ВМРО-ДПМНЕ Ве поканувам на телевизиско соочување на аргументите.
Јас лично, како и центарот за комуникации го очекуваме Вашиот повик, а доколку не го добиеме за ден – два, ќе Ве побараме ние.
