Американскиот претседател Џозеф Бајден одобри нова испорака на ракетни системи за Украина, кои можат прецизно да ги погодат руските цели со долг дострел, како дел од пакетот оружје од 700 милиони долари, пренесува Ројтерс.
Соединетите Американски Држави ќе му обезбедат на Киев артилериски ракетни системи со голема мобилност, кои можат прецизно да погодат цели оддалечени до 80 километри, откако Украина даде „гаранции“ дека нема да користи проектили за напад на руска територија, соопштија високи претставници на американската администрација.
Во написот во Њујорк Тајмс, Бајден изјави дека руската инвазија на Украина ќе заврши дипломатски, но дека САД мора да обезбедат клучно оружје и муниција за да и ги дадат на Украина лостовите на моќ на преговарачката маса.
„Поради таа причина, решив да им дадам на Украинците понапредни ракетни системи и муниција што ќе им овозможат попрецизно да пукаат на клучните цели на бојното поле во Украина“, напиша Бајден.
Пакетот вклучува и муниција, радари против батерии, голем број радари за воздушно набљудување, дополнителни противтенковски ракети Javelin, како и противтенковско оружје, соопштија официјални лица.
faktor.mk