Шкотскиот актер Роби Колтрејн, кој го отелотвори Рубеус Хагрид, омилениот лик од култниот Хари Потер, почина на 73-годишна возраст, јави Би-би-си.
Играњето на чувар на клучевите и имотот во Хогвортс му заработи милиони и ги освои срцата на обожавателите ширум светот, но неговиот живот не беше ни приближно како типичните холивудски актери.
Пред да умре, Роби живеел во изнајмена претворена штала во ридовите западно од индустрискиот дел на Глазгов речиси две децении. Месечната кирија ја плаќал во износ од илјада фунти. Според приказните на пријателите и соседите, актерот пет години бил во инвалидска количка поради болна остеоартритис и станал затвореник на сопствениот дом.
Минатата година, актерот се појави во телевизиска специјална програма по повод 20-годишнината од првиот филм од франшизата за Хари Потер и шокираше многу фанови кои не знаеја дека е во инвалидска количка.
Неговиот прв успех во кариерата беше во британската крими-драма серија „Cracker“, но најголем успех беше улогата на Хагрид. Поради неговата лоша здравствена состојба, верните фанови на Хари Потер беа длабоко изненадени што актерот навистина се појави на 20-годишнината од првиот филм.
24sata.hr
