На денешен ден во 2013 година почина Јованка Броз, сопругата на поранешниот претседател на СФРЈ, Јосип Броз Тито.
Јованка Броз почина од срцев удар на 20 октомври 2013 година во 11:45 часот, на 89-годишна возраст. Нејзината последна желба била да биде погребана во Куќата на цвеќето до сопругот.
Јованка Будисављевиќ, млада партизана со српско потекло, стана сопруга на југословенскиот претседател во април 1952 година. Таа беше 32 години помлада од Тито. Последните години од животот ги живеела во екстремна изолација и голема беда.
„Живеам од инает и додека сум жива ќе се борам за правда и за она што ми припаѓа. Тешка личанка сум, таква сум, така ќе умрам. Имам челични нерви и, фала богу, здравјето ме чува, па ќе продолжиме да се бркаме. Со години се застрашувачки, исцрпувачки, и ме малтретираат затоа што мислат дека ако ме убијат, ќе ги убијат и сите тајни и жешки теми од таа ера, од животот на Тито. Нема да можат да го направат тоа“, му кажа Јованка на Жарко Јокановиќ, кој во книгата „Мојот живот, мојата вистина“ објави низа исповеди од повеќегодишни разговори со првата дама на Југославија, пишува „Б92“.
Но, сепак, Јованка не го доживеала задоволувањето на правдата, умрела во голема беда во 2013 година во Белград, 33 години во изолација, чекајќи оставинско рочиште за да дознае што и припаѓа по смртта на нејзиниот сопруг.
Јованка се приклучила на партизаните на само 17 години и добила бројни одликувања, а за време на војната двапати била ранета во нозете. По војната имала чин мајор, а подоцна станала потполковник. Таа се омажила за Тита кога имала 28 години, а тој тогаш имал 60. Последните три години од животот и било забрането да се гледа со него, а еден месец по смртта на Тита била исфрлена од куќата на Ужичка 15, во ноќница, со закана со оружје, и притоа не можела да земе ниту лични работи.
Таа била префрлена во своевиден домашен притвор во неадекватна стара вила на Дедиње. Вилата немала парно и прокиснувала, а Јованка немала ниту лични документи ниту здравствена книшка.
Телото на Јованка Броз беше спуштено во гробот на ритамот на популарната италијанска партизанска песна „Bella, ciao“.
Малку се знаеше за животот на водечките личности на југословенската политичка сцена во целиот повоен период. Освен протоколарните вести и официјалните настапи, се останато се случуваше надвор од очите на јавноста. Дури неодамна нешто од животот на нашите „личности од врвот“ излезе во јавност и стана достапно за граѓаните.
Синовите на Тито ниту се грижеле, ниту ја сакале, иако таа немала кавги со нив. Но и со Тито не биле во добри односи: постариот Жарко дивееше на свој начин, а момчето Миша бил посебна приказна. Јованка се грижела за двете помали сестри и им помагала да се образуваат и да заминат на патување, објавува „Индекс“.
Сакаше да има деца. Но, Тито не се согласувал со тоа – мислел дека нема среќа со децата, а можеби и не сакал да се оптоварува со тоа.
faktor.mk
