Противпожарната служба под урнатините на куќа во Турција, во провинцијата Газиантеп, пронашла торба со два милиони долари и ја предала на полицијата, јави агенцијата „Анадолија“.
Доколку не се најдат сопствениците на парите, тие ќе бидат префрлени во државната каса.
„Нашите луѓе пред сè одат да спасат животи, а потоа ги вадат и работите на луѓето кои доживеале несреќа. Парите ѝ се предадени на полицијата, а вакво нешто не се случува првпат“, изјави за „Анадолија“, Чафер Јилмаз, шеф на противпожарната бригада, а пренесува „Танјуг“.
Претходно руското Министерство за вонредни состојби соопшти дека руските спасувачи пронашле 150.000 долари во готовина под урнатините на една од зградите, а парите и’ ги предале на полицијата.
https://twitter.com/i/status/1626640176100388867
tocka.mk
