Најмалку 10 лица загинаа во пад на мал авион во Урао, северозападна Колумбија, соопшти официјален претставник, јавува Анадолу.
Авионот летал од Хурадо, град во провинцијата Чоко, во близина на границата со Панама, кон Меделин, кога во средата изгубил комуникација.
Гувернерот на Антиокија, Андрес Хулијан Редон, изјави дека нема преживеани, а спасувачките тимови успеале да извлечат пет тела од подрачјето.
Тој истакна дека поради неповолните временски услови и тешкиот терен, екипите за потрага и спасување продолжуваат со работата со потешкотии и ја повтори солидарноста и поддршката за семејствата на загинатите.
