Во Србија денеска (24 јануари) почнува генерален штрајк или „општа граѓанска непослушност“, на кој граѓаните ги повикаа студентите што организираат блокада.
„Не одиме на работа, не одиме на предавања, не ги извршуваме секојдневните обврски. Ја земаме слободата во свои раце. Вашето учество прави разлика“, напишаа студентите на Инстаграм.
Поддршка на акцијата најавија бројни компании, здруженија и политички партии.
Најавено е дека во 11:52 часот на повеќе локации во Србија ќе има оддавање почит за загинатите во несреќата на железничката станица во Нови Сад, по што ќе се одржи генерален штрајк.
За денеска во 14 часот е закажан протест во организација на Протестниот одбор на адвокатите пред зградата на Претседателството на Србија.
Коалицијата за слобода на медиумите ја поддржа акцијата за генерален штрајк и ги повика членовите на таа организација да се приклучат.
slobodnaevropa.mk
