Во последните 24 часа во државата се регистрирани 65 нови случаи на Ковид-19 од вкупно тестирани 1.090 лица, оздравени се 78 лица, додека починати нема, информираат од Институтот за јавно здравје.
Според податоците на ИЈЗ регистрирани се и 8 реинфекции со коронавирус.
Во текот на изминатите 24 часа нема пријавени починати лица. Согласно Регистарот на умрени лица со дијагноза КОВИД-19 од Мој Термин регистрирани се 3 починати лица од Скопје (2) и Охрид (1). Пријавените се на возраст од 63 до 92 години и се починати во период од 24.05 – 07.06.2022. Две лица се починати во болнички услови а едно лице во домашни услови, велат од ИЈЗ.
МЗ
