Денеска, Државниот санитарен и здравствен инспекторат (ДСЗИ) започна вонреден инспекциски надзор на Детската клиника поради смртта на седуммесечно бебе. Ова го потврди директорот на Инспекторатот, Кирил Лазов.
„Да, денес беше издаден налог за вонреден инспекциски надзор на Клиниката за детски болести, по информациите за починатото бебе. Според изјавата на актуелниот директор, бебето било донесено со сериозни повреди на повеќе органи. По утврдувањето на фактичката состојба во делот на приемот, здравствената нега и евидентирањето на случајот, очекуваме дека утре ќе имаме поконкретни податоци“, изјави Лазов.
Тој додаде дека инспекциските надзори се вршат и на други клиники во состав на Клиничкиот центар „Мајка Тереза“ во Скопје.
