Најмалку три лица загинаа, а едно се води како исчезнато откако најголемиот град на Нов Зеланд го зафатија рекордни врнежи и поплави, објавија денес државните медиуми, пренесува Агенција Анадолија (АА).
Локалните власти во регионот Окленд прогласија вонредна состојба и го повикаа населението да остане во своите домови, известува Радио Нов Зеланд.
Премиерот Крис Хипкинс стигна во градот откако градоначалникот прогласи седмодневна вонредна состојба.
„Ова е настан без преседан. Бидете љубезни, стрпливи. Ќе минеме низ ова“, напиша Хипкинс на Твитер.
„МетСервис“, националната метеоролошка служба, издаде црвено предупредување за врнежи од дожд на тоа подрачје.
Власта постави центри за идни случаи на различни локации, бидејќи стотици луѓе се префрлени на безбедни места.
Дождот и поплавите предизвикаа и затворање на автопатиштата, а стотици луѓе се „заробени“ на аеродромот во Окленд откако сите летови се откажани поради водата што навлезе во некои делови на терминалите.
„Многу патишта се затворени во регионот поради поплавите и свлечиштата, и претставува исклучителна опасност да се биде на патиштата“, се наведува во соопштението на новозеландската полиција.
извор:Агенција Анадолија (АА).
фото: Radio New Zealand
