Републиканците постигнуваат значителна предност во трката за превласт во Претставничкиот дом на Соединетите Американски Држави (САД) со сѐ уште нецелосните резултати кои покажуваат значително водство пред Демократите, јавува Агенција Анадолија (АА).
Севкупно, Републиканците освоија 199 места, додека Демократите, 172. Повеќето аналитичари предвидуваа дека на средномандатните избори Претставничкиот дом ќе го преземат Републиканците, иако Сенатот останува тема на интензивни шпекулации.
Оваа година, во Домот треба да се пополнат сите 435 места, додека во Сенатот само 35 места. Како што стојат работите во моментов, Републиканците и Демократите имаат по 48 места, според проекциите на „Асошиејтед прес“ (Associated press).
Клучните трки кои би можеле да бидат клучни во одредувањето дали Републиканците или Демократите ќе имаат предност во Сенатот, продолжуваат во сојузните држави Висконсин, Невада и Аризона, како и во Џорџија, каде што актуелниот сенатор Рафаел Ворнок заостанува зад својот републикански противник, поранешната ѕвезда на американскиот фудбал, Хершел Вокер, за 0,5 отсто, според „РилКлир политикс“ (RealClearPolitics).
Но, доколку ниту Ворнок ниту Вокер не добијат мнозинство гласови, државните регулативи велат дека трката ќе се решава на 6 декември помеѓу првите двајца кандидати – оставајќи го кандидатот од третата партија на Либертијанците, трка која би можела да го има последниот збор за контрола во Сенатот.
Утврдувањето на резултатите во одредени сојузни држави би можело да потрае неколку дена со оглед на тоа колку тесна битка се води, како и поради неизбројаните гласaчки ливчиња кои стигнуваат преку пошта.
Ако Републиканците победат во Претставничкиот дом, законодавната агенда на претседателот Џо Бајден речиси сигурно ќе биде запрена и соочена со некооперативно тело во кое доминираат Републиканците.
Доколку ја преземат и контролата врз Сенатот, Републиканците би можеле да ги блокираат или забават многу од назначувањата на Бајден за клучните позиции во администрацијата, како и федералните судии, кои уживаат доживотен мандат.
извор:Агенција Анадолија (АА).
фото: Агенција Анадолија (АА).
