Денот на неговата инаугурација, 20 јануари 2025 година, новиот американски претседател Доналд Трамп го нарече „ден на ослободување“. Првите извршни наредби на Трамп се прогласување на вонредна состојба на јужната граница со Мексико и зголемување на американското производство на енергенси.
„Златната доба на Америка почнува сега“, изјави новоизбраниот американски претседател Доналд Трамп по свечената заклетва со која ја презеде функцијата од дотогашниот претседател Џо Бајден. Трамп се заколна пред Библијата дека ќе го брани и ќе му служи на американскиот Устав.
Со оваа заклетва 78 годишниот Трамп стана 47-миот претседател на САД.
„Многу едноставно ќе ја ставам Америка на прво место. Се враќам на претседателството уверен и оптимист дека сме на почетокот на возбудливата нова ера на национален успех. Плима на промени ја зафаќа земјата. Мојот главен приоритет ќе биде Америка да стане поголема, посилна и и поисклучителна од кога и да е претходно“, изјави Трамп по положувањето на заклетвата.
slobodnaevropa.mk
