Украинските преговарачи се упатија кон Соединетите Држави во рамки на забрзаните напори за усогласување на условите на план за ставање крај на руската војна против Украина, во момент кога руските дронови повторно погодија станбени згради и повредија повеќе од десетина луѓе.
Делегацијата, која требаше да се состане на 30 ноември во Флорида, ја предводи Рустем Умеров, шеф на Советот за национална безбедност и одбрана на Украина.
Умеров го заменува Андриј Јермак, официјалецот за кого претходно се очекуваше да ги води разговорите. Јермак поднесе оставка два дена претходно, среде голем корупциски скандал што ја поткопа поддршката за украинскиот претседател Володимир Зеленски.
Разговорите во Флорида ќе ги вклучат државниот секретар Марко Рубио; специјалниот пратеник Стив Виткоф; и Џеред Кушнер, кој е сопруг на ќерката на претседателот Доналд Трамп.
slobodnaevropa.mk
