Хрватската пошта (ХП) не одобри изработка на комеморативен поштенски жиг со ликот на Јосип Броз Тито, што беше барање на Здружението на антифашистички борци и на Сојузот на друштва Јосип Броз од Хрватска за филателистичка изложба како дел од прославата на 130-годишнината од раѓањето на Тито.
Комеморативниот поштенски жиг е вообичаен за некои манифестации и настани, а имаше за цел да се надополни одбележувањето на 130-годишнината од раѓањето на Тито со филателистичка изложба во Загреб, која ќе биде отворена на 1 декември. Печатот со ликот на Тито требало да биде во употреба само во една пошта и тоа само еден ден. Но, ниту тоа не беше одобрено од Хрватска пошта, истакнуваат антифашистите.
„Нивната причина за одбивање беше тоа што Јосип Броз е роден во мај, а ние бараме заштитен знак во ноември. Ова ни беше кажано преку телефон. Се обидовме да објасниме дека 130-годишнината од раѓањето на Тито ја славиме цела година, а не само еден месец, и дека поштенскиот жиг е составен дел на филателистичката изложба и ќе се користи во една пошта. Но, наскоро изгубивме секаква надеж“, изјави за Хина претседателот на САБА, Фрањо Хабулин, пренесе СЕЕбиз.
nezavisen.mk
