Хрватското Министерство за надворешни работи, „поради односот и третманот на хрватските граѓани во Србија“, ги ажурираше препораките за патување во таа земја и ги повика граѓаните да ги одложат сите несуштински патувања во Србија.
Хрватска претходно испрати протестна нота до Србија, која ја најави министерот за надворешни и европски работи Гордан Грлиќ Радман, поради апсењето на пет хрватски државјани во Белград. Тие беа на собир организиран од Ерсте Стифунг.
Хрватското Министерство за надворешни работи ги повика Хрватите да бидат внимателни и да добијат детални информации пред да патуваат.
Препораките сугерираат „одложување на сите несуштински патувања“, како и „претпазливост, следење на моменталната состојба и добивање подетални информации пред патување поради евидентираните несоодветни и неосновани постапки на властите на Република Србија кон хрватските граѓани“.
„Ги советуваме хрватските граѓани да избегнуваат места каде што се собираат голем број луѓе. Доколку е потребно, хрватските граѓани имаат право во секое време да се обратат до Амбасадата на Република Хрватска во Република Србија“, се наведува во препораките.
Хрватскиот министер за надворешни работи Гордан Грлиќ Радман изјави за новинарите во Давос дека за сè ќе ја информира делегацијата на Европската унија во Белград, Европската комисија и полското претседателство со Унијата, како и дека ќе ги собере „сите случаи на малтретирање на хрватските граѓани“, рече хрватскиот Владата објави на 22 јануари.
slobodnaevropa.mk
