Преку внимателни ископувања на локацијата и напредна анализа, тимот археолози заклучил дека населбата палафит кај Лин е најстарата позната предисториска населба во Европа. Професорот Алберт Хафнер од Универзитетот во Берн ги објави резултатите од соработката во рамките на регионалниот проект EXPLO која резултирала со интересни наоди во близина на селото Лин, кај Поградец, на албанскиот дел од Охридското Езеро.
Еден од најважните резултати на проектот ЕКСПЛО е дека населбите на крајбрежјето на езерото во регионот се многу постари отколку што очекувавме. Ова веќе го покажуваат податоците од Плоча и Охридати (и двете локации на северниот македонски брег на Охридското Езеро) и Диспилио (Грција, Езерото Касторија). Сепак, најстарите датуми од Лин сега се уште 100 до 200 години постари и овие нови радиојаглеродни датуми, се разбира, не израдуваа многу! Се приближуваме на временската ознака 6000 п.н.е.! Крајезерската населба Лин на албанскиот брег на Охридското Езеро отсега секако ќе игра важна улога во истражувањето.
Преку внимателни ископувања и напредни анализи, тимот археолози дошол до заклучок дека населбата „Палафит“ кај Лин е најстарата позната населба во Европа. Професорот Хафнер вели дека еден од најважните резултати на проектот EXPLO е фактот дека населбите во регионот, на брегот на езерото, се многу постари отколку што очекувале.
– Ова го покажаа податоците од „Плоча“ и „Охридати“ (две локации на северниот брег на Охридското Езеро, во Република Македонија) и Диспилио (Грција, езеро Касторија). Сепак, најстарите наоди од Лин се дури 100-200 години постари и се приближуваме до временската точка од 6.000 п.н.е. Езерската населба Лин на албанскиот брег на Охридското Езеро во иднина сигурно ќе игра важна улога во истражувањето. Нашите откритија покажуваат дека областа Лин на брегот на Охридското Езеро служела како центар за развој на земјоделството, занаетчиството и рибарството пред околу 8.500 години, вели професорот Хафнер.
Откритието е резултат на соработката меѓу албанските археолози и тимот од Универзитетот во Берн. Нивните први активности беа со партнери во Република Македонија, како и со грчкиот тим EXPLO.
– Од 2018 година ги воспоставивме првите контакти со колегите од Албанија. Оттогаш имавме многу добра соработка и во последната фаза од проектот EXPLO и се фокусираме на Лин во Албанија, бидејќи се надеваме дека оваа страница ќе биде алката што недостасува помеѓу локациите во Грција и Република Македонија на кои работевме претходно. Нашите наоди сугерираат дека населбата „Палафит“ во Лин е уште постара од сличните пронајдени во јужна Италија и Европа. Во моментов, оваа проценка се заснова на податоци добиени од радиојаглерод од еден столб. Пресеците ископани на сите езерски населби на Медитеранот и на Балканот се премногу мали за да се идентификуваат структурите. За прв пат во 2023 година во Лин наидовме на огради и преку нив можеби ќе можеме да дешифрираме делови од архитектурата на населбите, потенцира професорот Хафнер.
Тој додава дека ископувања во Лин ќе се вршат и во 2024 година.
– Би сакале да го продлабочиме она што го започнавме во 2022 и 2023 година. Се обидуваме да иницираме понатамошни проекти во регионот, но тоа бара нови финансиски средства. Ископувањата се скапи и за напредни истражувања се потребни многу пари. Во алпскиот регион истражувањата во езерските населби се одвиваат веќе 150 години. Езерската област во Албанија, Грција и Република Македонија е вториот најважен регион во Европа по алпската област, со околу 1.000 локации и сè уште е недоволно истражен. Оваа област нуди голем потенцијал за идните генерации истражувачи, дециден е професорот Хафнер.
