На 7 октомври, Кремљ објави дека чека појаснување од Соединетите Држави за можната испорака на ракети „Томахавк“ на Украина, наведувајќи дека таквото оружје теоретски би можело да носи нуклеарни боеви глави.
Портпаролот на Кремљ, Дмитриј Песков, повтори дека Москва ќе ја смета испораката на „Томахавк“ на Киев за „сериозна ескалација“, пишува Ројтерс.
Претседателот на САД, Доналд Трамп, во понеделник изјави дека би сакал да знае што планира да направи Украина со ракетите „Томахавк“ пред да се согласи на нивната испорака, бидејќи не сака да ја ескалира војната на Русија против Украина.
slobodnaevropa.mk
