Денеска беше потпишан меморандум за соработка помеѓу Агенцијата за иновации и технолошки развој и државните универзитети, со цел унапредување на иновациите, претприемништвото и развојот на конкурентна економија базирана на знаење.
Соработката се фокусира на поддршка на стартапи, поттикнување на претприемачкиот дух и зајакнување на врската помеѓу академската заедница и бизнис секторот. Од институциите истакнаа дека овој чекор претставува значаен придонес кон создавање подобри услови за економски раст и развој.
Се очекува преку заеднички активности да се унапреди иновацискиот и технолошкиот екосистем во земјата, како и да се отворат нови можности за младите и компаниите. Владата најави дека ќе продолжи со поддршка на иницијативи кои придонесуваат за развој на економијата и за подобра институционална поврзаност.
