На денешен ден, 25 јануари 1981 година, е роден Тоше Проески – човекот чиј глас, хуманост и харизма оставија неизбришлива трага во македонската и балканската култура. Денеска, тој ќе го славеше својот 45-ти роденден.
Иако физички не е присутен, споменот за него живее преку неговите најблиски. Неговата сестра Дора и годинава ја продолжи традицијата на тивко и длабоко лично сеќавање.
Дора сподели фотографија од роденденска торта посветена на нејзиниот брат.
Тоше беше познат по својата исклучителна поврзаност со семејството. И покрај блескавата кариера, секој слободен момент го користеше да избега во Крушево кај родителите Доминика и Никола, сестрата Дора и внуците Кристијан и Никола, кои му беа посебна слабост.
4news.mk
