Почина еден од омилените професори на студентите на Правниот факултет. Нека почива во мир Димитар Бајалџиев.
Од него се простија колегите од Правниот факултет:
Со длабока тага известуваме дека на 14.08.2022 година почина проф.д-р Димитар Бајалџиев, долгогодишен професор на Правниот факултет „Јустинијан Први“ – Скопје при Универзитетот „Св. Кирил и Методиј“ во Скопје.
Со неговата смрт загубивме драг и почитуван колега, доајен од областа на вовед во правото и автор на бројни научни и стручни трудови, успешен интелектуалец, извонреден предавач, одличен педагог, посветен наставник и особено ценет пријател. Проф.д-р Димитар Бајалџиев беше и поранешен Министер за образование и наука, поранешен декан на Факултетот и член на Деканатската управа.
Посмртните останки на проф.д-р Димитар Бајалџиев ќе бидат изложени во капелата на Градските гробишта во Бутел на 16.08.2022 година (вторник) од 13 до 14 часот.
ПОСЛЕДЕН ПОЗДРАВ
на нашиот почитуван професор и колега
ПРОФ. Д-Р ДИМИТАР БАЈАЛЏИЕВ
редовен професор на Правниот факултет „Јустинијан Први“ во Скопје на Катедрата за воведни и теоретски правни науки
1944-2022
Со заминувањето на проф.д-р Димитар Бајалџиев, Правниот факултет изгуби еден извонреден наставник и одличен педагог, поранешен декан на Факултетот и ценет колега и пријател.
Ќе останат во вечно сеќавање неговиот богат творечки опус, професионализмот карактеристичен за неговата работа и хуманиот однос кон студентите и вработените на Факултетот.
Од вработените на Правниот факултет „Јустинијан Први“ – Скопје.
фото: ФБ
