Силен фронт на невреме над централниот Медитеран предизвика сериозни проблеми во Егејот и на Крит, при што грчките власти алармираа за екстремни временски услови и значителни нарушувања во сообраќајот. Во близина на Атина, едно лице загина откако буицата го повлекла при поројните дождови.
Пожарникарските служби во поширокиот регион на Атина добиле речиси 500 повици за помош во изминатите три дена, главно поради поплавени подруми и паднати дрвја. Властите испратија предупредувачки СМС-пораки до населението во повеќе делови од земјата, апелирајќи граѓаните да не излегуваат без потреба.
Прекини во авионскиот и поморскиот сообраќај
На дел од егејските острови во Грција ветерот достигна брзина од 120 километри на час, создавајќи високи бранови и локални поплави на крајбрежјата. Поради екстремните услови, на Родос беа откажани или пренасочени десетици летови. Во меѓувреме, воздушниот сообраќај постепено се нормализира.
Фериботскиот сообраќај беше целосно прекинат во повеќе региони низ земјата, бидејќи пристаништата работеа под услови на опасно високи бранови.
Сахарска прашина го обои небото во портокалово
Покрај невремето, сахарска прашина пристигна над Крит, значително намалувајќи ја видливоста и обојувајќи го небото во интензивно портокалова нијанса. Поради слаба видливост, и на аеродромот во Ираклио мораше да се откажат повеќе летови.
DW
