Мариус Борг Хоиби, син на норвешката крунска принцеза Мете-Марит, е осомничен за 23 кривични дела и прекршоци. Тие вклучуваат три силувања и четири случаи на сексуална злоупотреба.
Норвешката полиција објави дека истрагата за Хоиби е завршена по десет месеци и дека случајот е префрлен во Јавното обвинителство. Тие ќе одлучат дали Хоиби ќе биде гонет.
28-годишниот Хоиби беше апсен неколку пати минатата година за случаи како што се силување, напад и игнорирање на забрана за приближување.
Бројот на жртви е непознат
Норвешката полиција не го откри бројот на жртви. Еден од адвокатите на Хоиби тврди дека има помеѓу 15 и 20, објави норвешкиот јавен радиодифузен сервис НРК.
Хоиби негира дека е виновен за силување. Според извештаите, тој бил испрашуван четиринаесет пати од полицијата. Норвешкото кралско семејство нема да коментира додека трае случајот.
Хојби е најстариот син од претходниот брак на крунската принцеза Мете-Марит и посинок на крунскиот принц Хакон. Тој нема кралска титула. Хојби останува на слобода во исчекување на евентуално судење.
извор: НОС Холандија
