Денешното утро понеделник, 22 јуни во Македонија ни донесе ведро и топло време со високи утрински температури на воздухот. Најтопло ова утро е на Скопје Петровец и на Скопје Зајчев Рид со измерена температура од 21 степен.
Најниска температура ова утро е измерена во Берово, и тоа 10 степени.
Денес попладне и рано навечер локално ќе има развој на конвективни грмотевични облачни јадра од кои очекувам појава на пороен дожд, грмежи и засилен ветер. Локално можни се поинтензивни атмосферски процеси во форма на невреме со обилен пороен дожд, силен ветер, силни електрични празнења и со појава на град.
И во делови од Скопскиот регион денес попладне и рано навечер ќе има услови за развој на вакви конвективни грмотевични облачни јадра од кои може да има краткотрајни но поројни врнежи од дожд проследени со грмежи и со засилен ветер, но и со услови за ретка појава на град.
Истанува топло и денес со максимални температури на воздухот кои ќе се искачуваат во интервалот од 28 до 36 степени, а во Скопје и околината температурата денес ќе се искачи до околу 35 степени, најавува метеопрогнозерот Славчо Попоски.
