По нападот на маргините на манифестацијата Кристофер Стрит Деј (ЦСД) во Берлин, осомничениот за нападот бил убиен за време на полициска акција. Ова по 18 часот го потврди и полицијата во Берлин.
Според полициски наводи, осомничениот се упатил кон полицајците со оружје за бодење, по што бил застрелан и подоцна им подлегнал на повредите.
Во нападот што се случи во саботата навечер (25.07), при кој прво беа прегазени луѓе со автомобил, а потоа беа нападнати со остро оружје, најверојатно мачета, според германскиот министер за внатрешни работи Александер Добринт, загинала една жена, а 29 лица биле повредени.
Министерот Добринт го посочи Абдул Б. како осомничен сторител. Уште утрото полицијата објави потерница со фотографија од 21-годишникот.
Осомничениот е опишан како слаб и висок околу 1,90 метри. Според информациите на агенцијата ДПА, тој има семејство во Берлин и во мај 2026 година бил ослободен од малолетнички притвор.
Добринт изјави дека Абдул Б. и претходно бил „забележан“ од властите и дека зад себе има „високо ниво на кривични дела“.
Според Добринт, осомничениот е роден во 2005 година и е германски државјанин. Тој има либанско потекло, а неговата мајка добила германско државјанство во 2002 година. Според податоците на Берлинското јавно обвинителство, тој е роден и израснат во Берлин.
DW
