Од Инспекторатот на општина Центар предупредуваат дека во наредниот период започнуваат засилени инспекциски надзори за незаконски поставените паркинг блокатори на самите улици, тротоари и останати јавни површини.
Ова е една од мерките со кои во периодот кој следи ќе посветиме повеќе внимание на процесот на ослободување на јавните простори, велат оттаму.
Исто така упатија апел до сите граѓани и правни лица кои имаат незаконски поставено блокатори на јавни површини, во најкраток можен рок самите да ги отстранат.
Во спротивно, блокаторите ќе бидат отстранети од страна на општината, а одговорните ќе бидат санкционирани согласно Законот за јавна чистота, велат надлежните.
извор: Република
фото: Република
