На 29 ден, останаа само пет учесници на натпреварот во лежење во етно селото Брезна во Црна Гора кои се борат за победа.
Мицо Благојевиќ, еден од организаторите, рече дека натпреварувачите се чувствуваат добро и поминуваат време во дружење.
„Тоа е многу психолошки натпревар, а учесниците се интересни личности. Тие се одличен тим и некои пријателства ќе останат“, рече тој.
Тој додаде дека натпреварувањето во лежење е забавно, дека нема тешки правила и дека тоа е еден вид преродба. Натпреварувачите препорачуваат сите да легнат барем еден ден, да не мрдаат, да бидат сами и да размислуваат за животот.
Ова е 12-та година како се организира овој натпревар. Многу учесници се откажаа поради лични обврски. За награда вредна 1.000 евра моментално се борат три жени и двајца мажи.
а1on.mk
