Бројот на загинати лица во Бразил како последица на обилните дождови се искачи на 29, а продолжуваат операциите за потрага по 60 лица кои се водат за исчезнати, јавува Анадолу.
Дождовите, кои веќе неколку дена ја зафатија јужната држава Рио Гранде ду Сул, резултираа со загуба на животи и имот.
Одделот за цивилна одбрана во Рио Гранде ду Сул објави дека обилните дождови нанеле значителна штета на 154 градови, негативно погодувајќи 71.300 луѓе.
Гувернерот на Рио Гранде до Сул, Едуардо Леите на прес-конференција истакна дека сѐ уште има области до кои не можат да стигнат.
Леите ја истакна можноста бројот на загинати да се зголеми и истакна дека операциите за пребарување и спасување се вршат на копно, море и од воздух.
Тој прогласи „состојба на катастрофа“ 180 дена поради големината на трагедијата и рече дека продолжуваат напорите за евакуација на луѓето од областа на катастрофата.
извор: Анадолу.
фото: Анадолу.
