Од 112 во 10:21 часот, добиена е пријава за заглавени лица од ТППЕ Гостивар во снегот кај село Леуново.
Исто така, во 11:43 часот, добиена е пријава и за заглавено возило (фамилија со 2 мали деца) во снегот, пред Хотел Радика, с.Леуново, стои во соопштението од Центарот за управување со кризи.
РЦУК Тетово извести дека од страна на ЈП за одржување на магистралните и регионалните патни правци добиле информација дека висината на снежната покривка е околу 80 см, и дека веќе работат на расчистување на патот околу Мавровско Езеро, но истото им е отежнато поради паднати дрвја на патот.
ЈП за одржување на магистрални и регионални патишта – Македонија пат, со сите расположливи екипи е на терен и во континуитет врши расчистување на државните патишта.
По добиените информации од терен, сите државни патни правци се проодни за сообраќај, истиот се одвива во зимски услови и по влажни коловози.
Апелираме до сите возачи да ги почитуваат законските одредби за одвивање на сообраќај во зимски услови, притоа:
– задолжително да поседуваат зимска опрема за возилата
– внимателно да управуваат со возилата,
– да ја почитуваат поставената сообраќајна сигнализација,
– да ja прилагодат брзината спрема условите на патот
Исто така апелираме да се следи временската состојба и сите граѓани кои планираат да патуваат навреме да се информираат од сообраќајните служби за условите на државните патишта, соопшти -ЈП за одржување на регионални и магистрални патишта- Македонија пат .
ЈП за државни патишта и ЈП Македонија пат во континуитет ја следи состојбата на државните патишта и соодветно реагираат со целокупната механизација на терен.
