Рекордно големиот ребаланс на буџетот од 4,7 милијарди евра пред пратениците. За него се очекува жестока дебата на матичната комисија за финансирање и буџет. Огромно е незадоволството кај граѓаните и бизнисот откако Владата најави дека ќе донесе нови антикризни мерки дури по неговото усвојување, а во ребалансот има едвај 70-тина милиони евра за мерки за справување со инфлацијата. Особено е гневен Сојузот на синдикати бидејќи во прекроената државна каса и покрај ветувањата, немаше место за најавеното покачување од 2.806 денари по работник во администрацијата. За да се усвои ова нивно барање тие поднесоа и амандман на ребалансот, објави АЛФА.
Со ребалансот предвидено е да се соберат 112 милиони евра плус, но и да се потрошат дополнителни 260 милиони евра. Повеќе пари ќе има за плати во образование, пензии, субвенции и минималец, а значително помалку за капитални инвестиции. Сумата по овој основ се намалува од 613 на 520 милиони евра. Помалку пари ќе има за патишта, водовод и канализации во општините. Очекувано најмногу пари се кратат во министерството за транспорт од 60 милиони евра, а исто толку се додаваат во министерството за труд и социјала.
Текстот во целост на: АЛФА.
